રાજકોટમાં ગઈકાલે બનેલા અગ્નિકાંડમાં 32 લોકોએ જીવ ગુમાવ્યા છે. આગ એટલી ભયાનક હતી કે જે પણ લોકોના મૃત્યુ થયા તેની ઓળખ પણ થઈ શકી નથી. જેથી ગઈકાલે રાતે DNA ટેસ્ટ સાથે કામગીરી કરાઈ છે. જેનો રિપોર્ટ આવ્યા બાદ મૃતકોની ઓળખ કરવી શક્ય બનશે. હાલ તંત્ર દ્વારા કોઈ સત્તાવાર માહિતી જેવી કે કેટલા લોકોના મોત, કોના મોત સહિતનું જાહેર કરવામાં આવ્યું નથી. આટલી મોટી ઘટનામાં પણ તંત્ર શા માટે મીડિયા સમક્ષ માહિતી છૂપાવી રહ્યું છે તે સવાલ પણ હાલ ઉદ્ભવી રહ્યો છે. હાલ 27 લોકોની યાદી જાહેર થઈ છે. જોકે હજુ 5 લોકોના નામની જાણ કરવામાં આવી નથી. હાલ ઘટનાને લઈને કલેકટર ઓફિસ ખાતે ઉચ્ચ અધિકારીઓની બેઠક યોજાઇ છે.